Sot në Kosovë pritet të mbajë mot kryesisht me diell dhe i nxehtë, por nuk pritet nxehtësi ekstreme për shkak të erërave paksa të freskëta nga verilindja. Temperaturat maksimale pritet të luhaten nga 31 gradë Celsius në rrafshin e Kosovës deri në 33 gradë Celsius në Dukagjin.
Në Shqipëri pritet të mbajë mot me diell dhe shumë i nxehtë. Shqipëria do të vazhdojë ta ndjejë valën e fortë tropike-afrikane nga Mesdheu perëndimor dhe qendror edhe pse fuqia kryesore e valës së nxehtësisë do të jetë në Itali e sidomos në Spanjë. Mjaft nxehtë pritet të jetë edhe në Maqedoninë Veriore, ndërsa në veri të Malit të Zi dhe në Luginë nuk pritet nxehtësi ekstreme.
Edhe ditëve të ardhshme na pret mot i thatë, i nxehtë dhe me diell. Temperaturat shënojnë rritje sidomos nga e diela edhe në Kosovë fillimi i javës së re do të na gjejë me temperatura maksimale përsëri rreth 35-36 gradë Celsius. Freskim i mundshëm i motit na pret me 18 Gusht./Meteoballkan
