Masa mjaft të nxehta me origjinë nga Afrika Veriore po ndikojnë në kushtet meteorologjike në rajonin tonë duke kushtëzuar mot stabil, të nxehtë dhe me diell. Temperaturat kanë kulmuar sot dhe në disa vise po shënojnë afër dhe rreth 30 gradë Celsius.
Edhe dita e nesërme pritet të jetë e nxehtë, por mund të ketë edhe shtim lokal të vranësirave. Pasdite vonë në disa vise priten rrebeshe lokale shiu me vetëtima dhe bubullimë. Reshjet pritet të jenë të izoluara dhe pritet të përfshijnë hapësira të ngushta gjeografike.
Nga e marta temperaturat shënojnë ulje dhe priten rrebeshe lokale shiu me vetëtima dhe bubullimë. Në përgjithësi bazuar në ecuritë aktuale sinoptike nuk duhet pritet reshje të mëdha, por rrebeshe lokale dhe riga lokale shiu të cilat mund të vazhdojnë herë pas here edhe gjatë ditëve të tjera të javës që po vjen./Meteoballkan
