Një ciklon që tani gjendet në brigjet e Afrikes veriore do të rrugëtojë në Mesdhe drejt territorit të jugut të Italisë dhe Shqipërisë duke krijuar kushte për reshje shiu të cilat pritet të fillojnë në jug të Shqipërisë dhe pastaj të zgjerohet drejt veriut dhe Republikës së Kosovës.
Pas rigave të dobëta që kishim këtë mëngjes tani do të kemi gjasa për intervale kohore me diell ndërkohë që cikloni nga Afrika veriore fillon të afrohet.
Ky ciklon mbetet i dobët, por megjithatë pritet të kushtëzojë reshje shiu në të gjitha viset tona, madje në disa rajone mund të jenë më intensive si në veri të Shqipërisë dhe veriperëndim të Kosovës. Në jug të Shqipërisë mund tl krijohen kushte për shtrëngata lokale me vetëtima dhe bubullimë.
Reshjet parashihet të fillojnë të premten në pjesë të Shqipërisë, pastaj pasdite deri në mbrëmje edhe në Kosovë dhe veri të Shqipërisë ku pritet që rrebeshet e shiut të intensifikohen.
Reshje shiu priten në të gjitha viset, por diku pak më shumë e dikund më pak. Më së shumti rrebeshe shiu parashihen në veri të Shqipërisë dhe pjesë të Kosovës që kufizohen me Malin e Zi.
Riga lokale dhe rrebeshe lokale parashihen edhe në pjesë tjera të rajonit duke përfshirë edhe Kosovën.
Kësaj reshjet do të zgjasin pak më shumë dhe janë shumë të mirëseardhura pas shumë ditëve pa reshje atmosferike.
Reshjet pritet që herë pas here të zgjasin edhe ditën e shtunë kur vende-vende do të ketë edhe gjasa për rrebeshe paksa më intensive të karakterit lokal duke mos përjashtuar edhe ndonjë bubullimë.
Të dielën pritet të kemi stabilizim të motit dhe rritje të ndjeshme të temperaturave me pak mundësi për ndonjë reshje të izoluar.
Sipas ecurive aktuale sinotpike rrebeshe të reja lokale shiu me vetëtima dhe bubullimë mund të kemi të martën pasdite./MeteoBallkan
