Sot në Kosovë pritet të mbajë mot plotësisht i vranët dhe me reshje shiu. Herë pas here dhe vende-vende priten reshje mesatare deri të dendura shiu. Temperaturat do të shënojnë ulje të ndjeshme.
Në Shqipëri pritet të mbajë mot jashtëzakonisht i paqëndrueshëm, me reshje intensive shiu dhe rrebeshe të fuqishme me vetëtima dhe bubullimë. Reshje mesatare deri të dendura shiu nesër priten edhe në Maqedoninë Veriore, Luginën e Preshevës dhe Mal të Zi.
Të premtën na pret mot mjaft i freskët dhe me reshje të shpeshta shiu. Në territorin e Shqipërisë shiu pritet të pushojë përkohësisht, por do të ketë rrebeshe lokale me vetëtima dhe bubullimë.
Për fundjavë na pret mot i vranët, i freskët dhe me reshje shiu, në bregdet nganjëherë edhe me rrebeshe shiu me vetëtima dhe bubullimë./Meteoballkan
