Nesër në Kosovë pritet të mbajë mot me intervale të gjata kohore me diell, vranësira të pakta lokale dhe i ngrohtë për këtë periudhë kohore. Në mbrëmje pritet të ketë shtim të vranësirave.
Në Shqipëri nesër pritet të mbajë mot kryesisht me diell dhe i ngrohtë për këtë periudhë kohore. Në mbrëmje do të fillojnë reshjet e shiu të cilat gjatë natës do të shtrihen në gati krejt territorin shqiptar.
Mot kryesisht me diell dhe stabil pritet nesër edhe në Maqedoninë Veriore, Mal të Zi dhe Luginën e Preshevës. Gjatë natës pritet të ketë shtim të vranësirave dhe reshje shiu në Mal të Zi.
Të martën në tërë rajonin na pret mot kryesisht i vranët dhe me reshje shiu. Reshje më intensive shiu dhe rrebeshe me vetëtima dhe bubullimë priten lokalisht në veri, qendër dhe jug të Shqipërisë. Në viset tjera reshje shiu të cilat do të ndalen pasdite vonë dhe do të pasojë kthjellimi gradual i motit.
Nga e merkura na pret mot i ngrohtë për këtë periudhë kohore për shkak të rrymimeve ajrore nga jugu. Priten alternime mes vranësirave dhe intervaleve kohore me diell. Në Mal të Zi priten reshje të herëpashershme intensive shiu. Reshje lokale shiu nganjëherë mund të ketë edhe në veri të Shqipërisë dhe ndoshta edhe në Dukagjin. Në viset tjera kryesisht pa reshje atmosferike./Meteoballkan
