Sot në tërë rajonin tonë do të mbajë mot jostabil dhe me reshje shiu respektivisht bore varësisht nga lartësia mbidetare. Reshjet e sotme do të jenë kryesisht të intensitetit të dobët dhe mesatar kurse në disa rajone nuk do të ketë reshje fare.
Nesër në tërë rajonin tonë pritet intensifikim i reshjeve të borës, normalisht në ato rajone ku reshjet e borës janë normale dhe jo në bregdet apo në luginën perëndimore të Shqipërisë. Atje do të ketë reshje shiu. Shqipëria juglindore, lindore, Maqedonia perëndimore dhe Kosova do të përfshihen nga reshje të dendura bore, ku fillimisht mund të ketë edhe reshje të përziera me shi dhe pastaj do të shndërrohen në reshje të dendura bore.
Pra, përgatituni sepse na pret një ditë me bardhësi të pafundshme si në qiell ashtu edhe në tokë. Reshjet e borës në Kosovë do të intensifikohen edhe më shumë gjatë pasditës dhe sidomos në mbrëmje ku do të mund të kënaqemi me magjinë që na sjell stina e dimrit. Të keni kujdes të shtuar sidomos në komunikacion sepse kushtet mund të jenë të rrezikshme dhe pa pajisje dimërore mos u nisni askund.
Reshjet e borës do të fillojnë të ulën në intesitet gjatë natës së të hënës kur edhe pritet që ato gradualisht të pushojnë. Të Hënën ditë e vranët me reshje të herë pas hershme por të dobëta bore. Të Martën reshje të reja atmosferike por kësaj radhe na presin reshje të dendura shiu përpos në viset malore ku reshjet do të jenë në formë dëbore./ Meteoballkan
