Nesër në Kosovë pritet të mbajë mot me intervale kohore me diell dhe vranësira lokale të cilat herë pas here pritet të kushtëzojnë fjolla sporadike bore. Temperaturat pritet të luhaten nga -4 ato minimale deri në 4 gradë Celsius ato maksimale.
Në Shqipëri dhe rajon nesër pritet të mbajë mot me intervale të gjata kohore me diell dhe vranësira të pakta lokale. Rrallë në disa rajone kryesisht kodrinore-malore priten fjolla sporadike bore.
Ditëve të ardhshme na pret mot kryesisht i thatë. Mëngjesi i së premtës pritet të jetë i ftohtë, kurse temperaturat ditore do të fillojnë të rriten. Intervalet e gjata kohore me diell mund të ndërpriten herë pas here me ndonjë front të dobët të ftohtë nga veriu që mund të kushtëzojë reshje sporadike dhe të lokalizuara atmosferike. Temperaturat nuk do të pësojnë ndonjë ndryshim të madh. Në përgjithësi përveq të premtës kur pritet acar pak më i fortë ditëve tjera acari i mëngjesit pritet të jetë më i butë, kurse temperaturat ditore do të rriten gradualisht e sidomos nga fundjava e tutje./MeteoBallkan
