Sot në Kosovë do të mbajë mot i këndshëm dhe stabil, me rreze të shumta diellore dhe temperatura maksimale deri në 10-11 gradë Celsius. Mëngjesi pritet të jetë i ftohtë dhe me ngrica kryeisisht të dobëta.
Në Shqipëri dhe rajon pritet të mbajë mot me intervale të gjata kohore me diell dhe vranësira të pakta lokale. Pritet mot i këndshëm sikur pranverë e hershme.
Të Hënën pritet destabilizim i fuqishëm i motit. Reshjet e shiut do të fillojnë së pari në Shqipëri. Në Kosovë pritet erëra nga jugperëndimi, ndërsa pasdite erërat do të ndryshojnë drejtim dhe do të fillojnë të fryjnë nga veriu. Fillimisht priten riga shiu, kurse me ardhjen e frontit të fuqishëm do të fillojnë reshje të dendura bore, fillimisht në veri të vendit e pastaj në shumë pjesë të Kosovës. Reshjet e borës nuk do të zgjasin shumë, por pritet të jenë të mjaft të dendura në zonën e frontit të ftohtë dhe mund të shoqërohen edhe ndonjë vetëtimë dhe bubullimë. Reshje bore priten në shumë pjesë të Kosovë me përjashtim ndoshta disa ultësira të Dukagjinit ku priten vetëm reshje shiu. Reshjet e borës do të shoqërohen me erëra të forta veriore.
Reshje bore të hënën pasdite priten edhe në veri-lindje dhe juglindje të Shqipërisë, lokalisht edhe në vise tjera në lartësi më të mëdha mbidetare. Në viset tjera kryesisht reshje shiu dhe mundësi për rrebeshe me vetëtima dhe bubullimë. Reshje bore të hënën pasdite priten edhe në veri të Malit të Zi, Luginën e Preshevës dhe pjesë të Maqedonisë së Veriut. Nuk priten reshje bore nëpër të gjitha ultësirat.
Të martën na pret mot kryesisht i vranët dhe i ftohtë, me erëra vende-vende të forta nga veriu. Priten ende reshje sporadike dhe të lokalizuara bore.
Nga e mërkura stabilizim i plotë i motit dhe rritje graduale e temperaturave./MeteoBallkan
