Rrebeshet e shiut të ditëve të kaluara kapen vetëm disa pjesë të territorit të Republikës së Kosoves, ndërsa shumë pjesë ende vazhdojnë të vuajnë nga thatësia ekstreme përkundër stuhive të djeshme. Përderisa në Kosovë ka territore që dëshpërimisht dëshirojnë largimin e reshjeve në anën tjetër ende ka shumë territore ku nuk ka ra ndoshta asnjë pikë shiu ose reshjet kanë qenë krejtësisht simbolike.
Lajmi i mirë është se gjatë këtyre ditëve priten reshje shiu në shumicën absolute të territorit të Republikës së Kosovës për të mos thënë 100% të territorit. Madje në shumë vise priten reshje signifikante që pritet të ndikojnë në zbutjen sadopak të gjendjen të motit esktrem të thatë.
Reshjet e shiut në Kosovë pritet të fillojnë pasdite dhe pastaj pritet të vazhdojnë herë pas here edhe gjatë nates së sontme për tu intensifikuar gjatë dites së nesërme për shkak të kalimit të vorbulles ciklonike nga Deti Adriatik dhe Jon në drejtim të Greqisë. Vende-vedne, herë pas here priten rrebeshe intensive shiu dhe shtërngata me bubullima dhe mundësi për breshër.
Reshje shiu dhe shtrëngata të fuqishme me shi, bubullima masive dhe breshër lokal sot dhe nesër priten edhe në Shqipëri dhe Maqedoninë Veriore, prandaj apelohet për kujdes të shtuar./MeteoBallkan
