Këto rreze diellore që po na ngrohin këtë paradite pritet të largohen gjatë orëve të pasdites, pasiqë priten zhvillime të vranësirave të dendura në Kosovë si pasojë e ardhjes së një fronti të ftohtë ajror.
Fronti do të shkaktojë destabilizim të fuqishëm të atmosferës, me shtim të vranësirave, reshje shiu, rrebeshe lokale me vetëtima dhe bubullimë dhe mundësi për breshër. Nuk përjashtohet mundësia e krijimit të ndonjë shtrëngate të fuqishme me breshër dhe erëra kalimthi të fuqishme.
Rrebeshe lokalisht të fuqishme priten edhe në Mal të Zi dhe disa zona në Shqipëri dhe Maqedoninë Veriore. Rrebeshe kalimtare por të fuqishme mund të ketë edhe në zonen bregdetare të Shqipërisë, sidomos nga qendra deri në jug.
Fronti do të shaktojë ulje të temperaturave për shkak të vranësirave të dendura dhe erërave të freskëta nga veriu që priten, por e tëra do të jetë kalimtare sepse nga nesër pritet përmirësim gradual i motit.
Gjatë fillimit të javes së re na pret mot më i nxehtë, me intervale kohore me diell, vranësira lokale dhe mund të ketë edhe ndonjë rigë ose rrebesh afatshkurtër shiu në zona të izouara. /MeteoBallkan
