Sot në rajonin tonë po mbanë mot i ngrohtë, me rreze të shumta diellore, por vende-vende ka vranësira lokale dhe riga shiu në disa rajone të Shqipërisë.
Gjendje mjaft jo-stabile është në Itali ku kemi sisteme të fuqishme vranësirash të cilat po shkaktojnë stuhi të fuqishme lokale me breshër, madje gjatë 24 orëve të fundit janë regjistruar dy tornado mjaft të fuqishme në territorin italian dhe ka pasur edhe dëme materiale.
Instabilitetet atmosferike nga Italia pritet të arrijnë edhe në vendet tona gjatë ditës së nesërme kur pritet të kemi shtim të vranësirave dhe rrebeshe lokale shiu me vetëtima dhe bubullimë. Vende-vende edhe nesër priten rrebeshe intensive, ku ka gjasa që të ketë edhe breshër, por nuk ka ndonjë rrezik potencial për ndonjë ekstrem natyror.
Nga e diela moti do të ketë tendencë stabilizimi gradual./MeteoBallkan