Nesër pasdite apo në mbrëmje do të fillojnë të fryjnë erëra të ftohta nga ana e veriut dhe në këtë mënyrë gjatë mbrëmjes në viset malore reshjet e shiut do të shndërrohën në reshje bore, kurse gjatë natës edhe në viset e ulëta do të kemi reshje bore.
Intensiteti i reshjeve të borës do të varet shumë nga momenti kur temperaturat e ulëta të depërtojnë atmosferën mbi Kosovë. Nëse temperaturat e ulëta depërtojnë më herët atëherë do të kemi reshje më të dendura bore, kurse nëse temperaturat e ftohta depërtojnë më vonë atëherë reshje bore do të kemi gjithsesi por në sasi më të pakta. Sidoqoftë fjala jonë përfundimtare është se nesër gjatë natës parashikohet të ketë reshje bore në shumicën e territorit të Republikës së Kosovës, sigurisht se reshjet do të jenë të intensitetit të ndryshëm varësisht nga rajoni në rajon.
Reshje mjaft të dendura bore priten në Sërbinë qendrore, lindore dhe juglindore si dhe në Bullgari dhe Rumani. Edhe kësaj radhe “ajkën” e reshjeve të borës po na e marin Serbia dhe Bullgaria megjithatë atmosferës nuk i dihet 100 për qind. Të shohim! Meteoballkan.
