Cikloni masiv në Oqeanin Atlantik i cili shihet qartë në imazhin satelitor po shkakton reshjetë furishme shiu në Portugali dhe pjesë të Spanjes duke zbutur atje thatësinë e cila ka pushtuar këto dy vende me dekada. I njëjti ciklon masiv po nxit zhvillimin dhe daljen e anticiklonit të fuqishëm në Mesdhe.
Përderisa shirat do të vazhdojnë në Portugali dhe pjesë të Spanjës temperaturat do të rriten në Mesdhe, Itali, shumë pjesë të Evropes dhe Ballkan.
Duke iu falënderuar kësaj gjendje sinoptike gjatë ditëve të ardhshme pritet të kemi rritje të ndjeshme të temperaturave, ngase masa mjaft e ngrohtë ajrore do të përfshijë shumë pjesë të Evropes e pastaj edhe Ballkanin.
Mëngjesi i së premtës do të jetë mjaft i ftohtë në Kosovë, por pastaj priten rritje të temperaturave minimale dhe maksimale, prandaj afërsisht deri në fund të këtij muaji do të kemi shpeshherë temperatura maksimale mbi 20 deri në 25 gradë Celsius e në viset mesdhetare të Shqipërisë mbi 25 gradë Celsius./MeteoBallkan
