Në fotografi kemi imazhin satelitor të mega – ciklonit i cili momentalisht ndodhet me qendrën e tij në Oqeanin Atlantik në drejtim të veriperëndimit nga Britania e Madhe.
Fronti i këtij cikloni shtrihet që nga Maroku në Afrikën Veriore e deri në Skandinavi dhe ajri i këtij cikloni është relativisht i nxehtë.
Në anën tjetër kemi anticiklonin mjaft të fuqishëm me qendër afër Ukraninës dhe Bjellorusisë ajri i të cilit është i ftohtë me origjinë nga Poli Verior
Fronti i këtij cikloni nesër do të krijojë një ciklon të dobët në Mesdhe. Ky ciklon do të përqëndrohet në Mesdhe dhe do të rrugëtojë në anën tjetër të Bregdetit Italian.
Pikërisht ky ciklon do të jetë shkaktar për ngritjen e temperaturave tek ne në fillim të Dhjetorit, por deri atëherë do të përballemi me të ftohtit polar sepse rrugëtimi i ciklonit sipas ecurive sinoptike dhe imazheve satelitore do të jetë jashtëzakonisht i ngadalshëm.Meteoballkan.
