Edhe sot gjendemi nën ndikimin e masave kryesisht të thata ajrore anticiklonike, megjithatë jo për shumë kohë, ngase nga Atlantiku dhe Mesdheu do të vijojnë të zhvillohen masa të fuqishme ciklonike që do të shkaktojnë ndryshim të motit dhe reshje atmosferike.
Vranësirat po depërtojnë dhe kjo është një shenjë e afrimit të ndryshimit të motit.
Gjatë ditëve të ardhshme do të jemi nën ndikimin e masave ajrore ciklonik që vijnë nga Atlantiku në Mesdhe e pastaj në rajonin tonë dhe si pasojë priten reshje të shpeshta shiu. Vende-vende priten reshje mjaft intensive shiu sidomos në shumë vise të Shqipërisë, por duke mos përjashtuar edhe disa vise të Kosovës dhe Maqedonisë së Veriut.
Ndikimi ciklonik do të jetë disaditor, por kjo nuk do të thotë se do të bie shi pa ndërprerje. Mes reshjeve të shiut do të ketë edhe pauzë dhe mund të ketë intervale kohore me diell në ndëonjë rajon, por shirat do të jenë të shpeshta, ndërsa për fundjavë në viset e larta malore priten edhe reshje bore të cilat mund të paraqiten edhe në disa vise paksa më të ulëta, por kjo mbetet të shihet./MeteoBallkan
