Nesër në Kosovë na pret mot kryesisht i vranët e nganjëherë priten riga ose rrebeshe lokale shiu të intensitetit kryesisht të dobët. Gjatë ditës mund të ketë edhe intervale të shkurtra kohore me diell në disa rajone, ndërsa temperatura maksimale pritet të arrijë deri në 11 gradë Celsius.
Në Shqipëri nesër pritet të mbajë mot i vranët dhe me reshje lokale shiu. Vende-vende priten reshje më intensive dhe rrebeshe të fuqishme shiu, por në shumë vise nuk priten reshje të mëdha. Edhe në Mal të Zi nesër priten reshje intensive shiu dhe rrebeshe lokale me vetëtima dhe bubullimë, ndërsa në Maqedoninë Veriore dhe Kosoven lindore reshje do të jenë kalimtare.
Ditëve të ardhshme pak më ngrohtë, me erëra jugore, vranësira e intervale kohore me diell. Nganjëherë priten riga lokale shiu. Reshje më intensive priten në veri dhe jug të Shqipërisë./MeteoBallkan
