Gjendja sinoptike në Evropë po vazhdon të bëhet gjithnjë e më interesante për shkak të ardhjes së ajrit të ftohtë Arktik në Kontinent dhe masat e lagështa ajrore nga Altantiku. Ky kombinim ndërmjet këtyre dy masave ajrore po shkakton fuqizimin e cikloneve nga Altantiku dhe reshje të dendura atmosferike.
Ajri i ftohtë ka përfshirë Evropen veriore, veriperëndimore dhe qendrore duke shkaktuar reshje të dendura bore në Skandinavi, shtetet e Baltikut, Poloni etj. Kjo masë e ftohtë ajrore do të përfshijë edhe Britaninë e Madhe me reshje lokale bore edhe atje.
Në anën tjetër nga Portugalia e Spanja në Evropen jugperëndimore kemi masa të fuqishme ajrore ciklonike që sjellin reshje të dendura shiu deri në Mesdhe e pjesë të Ballkanit. Këto masa të lagështa do të bashkohen këtë fundjavë në një sistem të fuqishëm ciklonik që nga Mesdheu e Deti Adriatik do të zhvendoset drejt Evropes verilindore.
Si pasojë reshje të dendura bore do të fillojnë në Zvicër, Italinë veriore, Austri e reshjet më të fuqishme të borës priten në Poloni vend që pritet të bllokohet nga intensiteti i lartë i reshjeve të borës.
Ballkani fillimisht do të jetë nën ndikimin e masave të ngrohta nga Mesdheu ku priten temperatura deri afër 20 gradë Celsius të premtën dhe të shtunën, por me reshje shiu vende-vende intensive e shtrëngata me bubullima.
Me zhvillimin e ciklonit shumë të fuqishëm dhe largimin e tij drejt Evropes verilindore do të fillojë ardhja e ajrit të ftohtë Arktik edhe në Ballkan, prandaj reshje bore do të fillojnë në Slloveni dhe Kroaci, pastaj në Bosnjë dhe Hercegovinë, Serbi, veri të Malit të Zi e të hënën edhe në Kosovë.
Pra, Kosova dhe Shqipëria ende do të jenë nën ndikimin e masave të ngrohta ajrore nga Mesdheu, por me reshje të shpeshta e lokalisht të fuqishme shiu sidomos për fundjavë. Të hënën ajri i ftohtë më në fund depërton në Kosovë me reshje bore.
Informacione të reja ditëve të ardhshme ngase na presim zhvillime të bujshme dhe interesante meteorologjike./MeteoBallkan
