“Rreth orës 21:30 në rrugën Podujevë-Prishtinë në Siboc është raportuar për një aksident me të lënduar. Në këtë aksident janë përfshirë një automjet dhe një kamion. Dy persona raportohet të jenë dërguar për trajtim mjekësor me autoambulancë. Njësitet policore iu kanë përgjigjur rastit dhe janë marrë me procedurat e nevojshme të vendit të ngjarjes, për të hetuar rreth shkaktarëve të aksidentit”, ka thënë Hoxha.
Më tutje, Hoxha u ka bërë edhe një apel të gjithë ngasësve të automjeteve.
“Apelojmë tek drejtuesit e automjeteve që të jenë vigjilentë, posaçërisht gjatë kësaj kohe ku kemi ndryshime atmosferike, të reshura dhe zvogëlim të dukshmërisë. Për të shmangur aksidentet rrugore kërkojmë që vozitësit të respektojnë shenjat e trafikut dhe të posedojnë pajisjet dimërore siç e parasheh ligji mbi trafikun rrugor”, ka thënë Hoxha, në një përgjigje për Llapi.info.
