Nesër në Kosovë na pret mot i ngrohtë për këtë periudhë kohore. Mëngjesi do të jetë i ftohtë dhe vende-vende mjegull dhe vranësira të ulëta. Gjatë ditës rritje të temperaturave dhe priten alternime mes vranësirave të pakta lokale dhe intervaleve të gjata kohore me diell. Në disa lugina ka gjasa që mjegulla të qëndrojë më gjatë. Temperatura minimale -2°C, ndërsa ajo maksimale mund të arrijë deri në 15°C.
Në Shqipëri dhe tërë rajonin tonë nesër pritet të mbajë mot me intervale të gjata kohore me diell dhe vranësira të pakta lokale. Nëpër disa lugina do të ketë mjegull. Dita do të jetë stabile dhe e ngrohtë.
Ditëve të ardshme nuk pritet të ketë ndonjë ndryshim substancial të motit. Do të vazhdojë dominimi i plotë anticiklonik, ndërsa të mërkurën mund të kemi shtim të vranësirave dhe riga lokale shiu./MeteoBallkan
