Në njoftimin e MPJD-së, njoftohen të gjithë bashkatdhetarët të shfrytëzojnë pika tjera kufitare, deri në një njoftim tjetër zyrtar nga ana e Institucioneve të Kosovës.
Teksa është rekomanduar përdorimi i pikave tjera kufitare.
“Njoftohen të gjithë bashkatdhetarët dhe qytetarët që janë në lëvizje të shfrytëzojnë pika të tjera kufitare për qarkullim deri në një informim tjetër zyrtar nga ana e institucioneve të Republikës së Kosovës. Nëse keni hyrë tashmë në Serbi, atëherë ju lutemi t’i përdorni pikat kufitare ne Mutivodë, Dheu i Bardhë ose të merrni rrugë përmes Maqedonisë së Veriut (pikë-kalimi kufitar i Preshevës) përmes Shkupit”, thuhet në njoftim.
Tutje thuhet që për shkak të qarkullimeve të rrejshme të lajmeve të cilat synojnë përhapjen e frikës të qytetarët, kërtkohet që të njëjtit të ndjekin përditësimet e fundit të Policisë së Kosovës.
“Duke marrë parasysh faktin që janë në qarkullim shumë lajme të rreme, të cilat synojnë përhapjen e frikës, ju lutemi të ndiqni @Kosovo_Police rreth përditësimeve të fundit zyrtare në këtë drejtim”, thuhet tutje.
