Periudhat kohore të fundit të vitit 2022 dhe fillimit të vitit 2023 u karakterizuan me mot krejtësisht stabil, për shkak të ndikimit të masave të fuqishme ajrore stabile anticiklonike.
Më në fund kemi dobësimin e bllokades anticiklonike në atmosferë mbi ne dhe ardhjen e masave të ajrore ciklonike që origjinen e kanë në Oqeanin Atlantik. Fushat barike do të pësojnë ulje dhe kjo shënon fillimin e ndikimit të sistemit ajror me presion të ulët atmosferik ose ciklonit.
Cikloni i fuqishëm do të intensifikohet edhe më shumë në veri të Italisë dhe Detit Adriatik duke sjellur reshje të dendura shiu që nga Sllovenia, Kroacia, Bosnja dhe Hercegovina, Mali i Zi, Serbia, Shqipëri, Kosova, Maqedonia Veriore dhe në fund edhe në Greqi e Turqi e veçanërisht në Bullgari dhe Rumani. Në zonat kodrinore-malore të tërë rajonit do të ketë reshje bore vende-vende të dendura, ndërsa ultësirat do të kenë kryesisht reshje shiu, por aty-këtu priten edhe reshje bore.
Gjatë ditës së nesërme në Kosovë ende do të kemi momente të motit të mirë dhe të ngrohtë, ndërsa erërat jugore do të vijnë duke u fuqizuar graualisht dhe kjo dë jetë një shenjë e qartë e afrimit të ndryshimit të kushteve të motit.
Reshjet e shiut së pari parashikohet të fillojnë në Shqipëri, pastaj në veriperëndim e perëndim të Kosovës e deri në mbrëmje edhe në lindje dhe verilindje të Kosoves.
Të martën cikloni do të depërtojë thellë në juglindje të Evropes dhe në viset tona erërat do të ndryshojnë drejtim dhe do të fillojnë të fryjnë nga veriperëndimi, veriu dhe verilindja. Temperaturat do të shënojnë ulje dhe reshje bore do të fillojnë së pari në viset e larta malore, pastaj edhe në viset kodrinore-malore, por me uljen e mëtutjeshme të temperaturave reshje bore priten edhe në disa zona më të ulëta si psh në Podujevë së pari, pastaj edhe në qytete tjera si Mitrovicë, Prishtinë etj. Përjashtim mund të bëjnë ultësirat e Dukagjinit.
Rrymimet e ftohta ajrore nga veriu do të vazhdojnë edhe të mërkurën ku herë pas here, vende- vende priten reshje shiu e bore, ndërsa në zonat malore pritet atmosferë e mirë dimërore./MeteoBallkan
