Nesër në Kosovë na pret mot kryesisht i vranët dhe relativisht i ftohtë. Rrallë në disa vise priten reshje kryesisht të dobëta shiu e bore, ndërsa temperaturat pritet të luhaten nga -1 ajo minimale deri në 6 gradë Celsius ajo maksimale.
Në Shqipëri, Maqedoninë Veriore, Mal të Zi dhe Kosovën lindore nesër pritet të mbajë mot me vranësira e intervale kohore me diell. Intervale të shumta kohore me diell parashihen në Shqipëri, jug të Malit të Zi dhe disa vise të Maqedonisë së Veriut.
Të premtën na pret mot stabil dhe me intervale kohore me diell në tërë rajonin. Mëngjesi do të jetë i ftohtë dhe vende-vende me ngrica, ndërsa dita stabile dhe kryesisht e qetë.
Të shtunën shtim i vranërave dhe reshje lokale shiu e bore.
Nga e diela përsëri na pret përmirësim i motit dhe rritje graduale e temperaturave për shkak të ndryshimeve të rrymimeve ajrore që do të jenë përsëri nga jugu.
Fillimi i javës së re do të jetë relativisht i ngrohtë dhe me erëra nga jugu, por vende-vende me vranësira e riga shiu./MeteoBallkan
