Sot në Kosovë pritet të kemi mot me vranësira lokale dhe intervale kohore me diell. Mëngjesi pritet të jetë i ftohtë dhe me mjegull si dhe në disa zona me ngrica sidomos në viset kodrinore-malore, ndërsa dita stabile dhe me rreze diellore. Temperaturat pritet të lëvizin nga -3 ajo minimale deri në 7 gradë Celsius ajo maksimale.
Në Shqipëri dhe tërë rajonin tonë pritet të kemi një ditë stabile, por mëngjesi mund të jetë me mjegull dhe i ftohtë nëpër disa lugina dhe ultësira.
Nga e hëna rritje e temperaturave, por njëkohësisht fuqizim i erërave jugore dhe reshje shiu në shumë rajone. Vende-vende priten reshje të dendura shiu.
Reshje të herëpashershme mjaft të dendura priten në shumë vise të Shqipërisë, Mal të Zi dhe po ashtu edhe në shumë pjesë të Dukagjinit në Kosovë. Reshje shumë të pakta fillimisht priten në juglindje, lindje dhe verilindje të Kosovës si dhe në juglindje të Shqipërisë./MeteoBallkan
