Cikloni në Itali dhe sistemi i tij frontal nga deti do të sjellë reshje të reja shiu sot të cilat tashmë kanë filluar në tani në shumë zona të Shqipërisë, Maqedonisë së Veriut dhe Dukagjinit.
Në vazhdim të ditës e sidomos në orët e mbrëmjes e natës pritet të ketë intensifikim të reshjeve të shiut veçanërisht në Kosovë dhe Maqedoninë Veriore. Vende-vende priten reshje mjaft intensive, ndërsa reshjet më të dendura priten në Maqedoninë Veriore dhe juglindje të Kosovës, por lokalisht edhe në vise tjera të Kosovës.
Në viset malore priten reshje të dendura bore e gjatë orëve të natës reshje bore priten edhe në shumë zona kodrinore-malore dhe mund të ndodhë që reshje të dendura bore të ketë edhe në disa zona pak më të ulëta në Kosovë gjatë orëve të hershme të mëngjesit të nesërm.
Të martën na pret një ditë më e qetë, por pak më e ftohtë dhe e vranët ku ende do të ketë reshje lokale sidomos në mëngjes dhe paradite. Këto reshje do të vijnë duke u lokalizuar dhe do të pushojnë./MeteoBallkan
