Cikloni më i ri pritet që nga Deti Tiren të rrugëtojë drejt Detit Jon dhe pastaj në drejtim të Greqisë dhe Detit të Zi dhe në këtë mënyrë do të tërheq masa të ftohta ajrore drejt rajonit tonë për shaka të rrymimeve të ftohta ajrore nga veriu.
Edhe në shtresa të larta atmosferike do të kemi një ciklon që do të përqëndrohet mbi rajonin tonë duke sjellur reshje të herëpashershme bore.
Reshje bore priten në Kosovë gati në tërë territorin, por mund të ketë përjashtime në disa zona më të ulëta të Dukagjinit. Në përgjithësi nuk priten reshje të dendura bore, përpos viseve kodrinore-malore ku do të jetë atmosfera e një dimri të vërtetë, ndërsa në zonat e ulëta do të ketë intervale të herëpashershme reshjesh bore të cilat pritet të krijojnë edhe shtresa në disa vise sidomos në Rrafshin e Kosovës.
Sidoqoftë, pas një periudhe të gjatë të motit të ngrohtë do të kemi disa ditë të ftohta dhe normale dimri, edhe pse normalisht jo me reshje të mjaftueshme bore sidomos nëpër ultësira.
Reshje bore priten edhe në lindje, juglindje dhe verilindje të Shqipërisë, lokalisht në pjesët qendrore të Shqipërisë si dhe në shumë vise të Maqedonisë së Veriut dhe Luginën e Preshevës. Edhe në ultësirat (zonat më të ulëta) e Maqedonisë së Veriut reshjet do të jenë të pakta.
Në fund të përmendim se reshjet më të dendura të borës nga ky ciklon do ti përfitojë Greqia kontinentale, pastaj Bullgaria dhe Serbia ku priten shtresa deri në 20 cm edhe në zonat e ulëta.
Kjo është gjendja sipas ecurive më të fundit sinoptike dhe ndryshime të vogla ende mund të ketë.
Reshjet e herëpashershme lokale të borës do të fillojnë që sonte në sasi kryesisht të pakta dhe nganjëherë do të intensifikohen sidomos natën mes së enjtes dhe së premtes./MeteoBallkan