Sot në Kosovë pritet të mbajë mot paksa më i ngrohtë dhe pas shumë ditësh priten intervale kohore me diell nga mesdita ose pasdite, megjithatë mëngjesi do të jetë mjaft i ftohtë dhe me temperatura minimale nga -4 deri në 0 gradë Celsius, ndërsa ato maksimale pritet të arrijnë deri në 6 gradë Celsius.
Në Shqipëri, Maqedoninë Veriore, Mal të Zi dhe Kosovën lindore pritet të mbajë mot me intervale kohore me diell dhe vranësira lokale. Reshje atmosferike nuk pritet të ketë.
Të martën një front ajror sjellë reshje lokale kryesisht bore në disa vise të Republikës së Kosovës dhe veriut të Malit të Zi. Reshje afatshkurtra, lokale bore priten edhe në disa vise kryesisht kodrinore-malore të Maqedonisë së Veriut dhe Shqipërisë veriore dhe lindore.
Të mërkurën rritje të lehta të temperaturave, ndërsa të enjten do të kemi një front të ri ku fillimisht priten reshje shiu dhe pastaj edhe reshje lokale bore. Nga e premta ulje të ndjeshme të temperaturave./MeteoBallkan
