Sot në Kosovë na pret mot shumë i ftohtë dhe me acar në mëngjes, ndërsa gjatë ditës rritje graduale e temperaturave dhe priten intervale të gjata kohore me diell. Temperaturat pritet të lëvizin nga -12 ato minimale deri në 3 gradë Celsius ajo maksimale.
Në Shqipëri, Maqedoninë Veriore, Mal të Zi dhe Kosovën lindore pritet të mbajë mot me intervale kohore me diell dhe vranësira lokale në disa rajone. Acar në tërë rajonin, ndërsa më i theksuar normalisht në viset kontinentale e veçanërisht në zonat kodrinore-malore. Pasdite në jug të Shqipërisë shtim i disa vranësirave, por pa reshje atmosferike.
Ditëve të ardhshme na pret mot kryesisht i kthjellët dhe me rritje graduale të temperaturave ditore, ndërsa vazhdon acari orëve të natës dhe mëngjesit. Në përgjithësi acari do të fillojë të zbutet por gradualisht, ngase ende priten “minuse” të thella sidomos në viset kodrinore-malore.
Të dielen një fronti i dobët, i ftohtë ajror sjellë reshje lokale (kryesisht të pakta) bore në Kosovë dhe riga shiu në disa zona më të ulëta./MeteoBallkan
