Nesër në Kosovë na pret mot i vranët në mëngjes dhe paradite, me mundësi për intervale të shkurtra kohore me diell vetëm në disa rajone. Ka gjasa për ndonjë rigë krejtësisht të dobët shiu ose fjollë të dobët bore. Pasdite deri në mbrëmje khtjellim gradual i motit, prandaj natën tjetër priten “minuse” të lehta.
Në Shqipëri, Maqedoninë Veriore, Mal të Zi dhe Kosovën lindore nesër pritet të mbajë mot i vranët me tendenca kthjellim në pjesën e dytë të ditës. Vende-vende do të ketë gjasa për reshje të dobëta atmosferike.
Nga e hëna pak më ngrohtë, por mëngjesi do të jetë me ngrica kryesisht të dobëta. Gjatë ditës priten intervale kohore me diell dhe vranësira të shpeshta si dhe mundësi për ndonjë rigë të dobët shiu.
Në Kosovë, Maqedoni dhe Luginë priten reshje të pakta dhe të rralla, ndërsa në Shqipëri dhe Mal të Zi priten reshje më të shpeshta lokale shiu. Temperaturat do të vijnë duke u rritur gradualisht./MeteoBallkan
