Të Entjën në Detin Mesdhe do të krijohet një ciklon i fuqishëm i cili do të rrugëtojë në drejtim të Gadishullit Ballkanik. Sipas ecurive më të reja sinoptike gjatë pasditës së të enjtës fillimisht në Shqipëri, dhe pjesë të Maqedonisë ndërsa nga mbrëmja edhe në Kosovë do të fillojnë reshje atmosferike. Në viset bregdetare dhe Ultësirën Perëndimore të Shqipërisë do të ketë reshje shiu kurse në viset tjera bora mund të paraqitet shkurtimisht e cila shpejt do të shëndrrohet në reshje shiu. Në Kosovë, Shqipërinë juglindore, lindore dhe verilindore priten reshje bore, por jo të intensitetit të lartë. Reshjet e herëpashershme të borës do të jenë të pranishme edhe natën mes së Enjtës dhe së Premtës, kurse të Premtën pritet që të kemi ngritje të temperaturave dhe reshjet e borës do të shëndrrohen në reshje shiu pastaj do të ndërpitën.
Në anën tjetër në Kroaci, Bosnjë dhe Hercegovinë, veri të Malit të Zi dhe Serbi priten reshje të dendura bore sepse do të gjenden në sektorin e ftohtë të ciklonit kurse, Kosova, Shqipëria dhe Maqedonia do të gjenden në sektorin e nxehtë (erëra të nxehta jugore) të ciklonit dhe reshjet do të jenë sporadike në formë shiu, përpos Shqipërisë bregdetare ku priten reshje apo rrebeshe të shpeshta shiu me vetëtima dhe bubullimë. Këto kushte sinoptike do të mbretërojnë edhe ditën e shtunë kur priten reshje sporadike shiu por edhe intervale kohore me diell. Ndërsa pasdite apo gjatë natës në të dielën ajri i ftohtë përsëri do të depërtojë në drejtim të Kosovës kur edhe priten reshje bore por sipas ecurive aktuale nuk do të jenë të intensitetit të lartë sikur në Kroaci, Bosnjë dhe Serbi.
Me afrimin e kohës gjithnjë e më pak ka hapësirë për ndryshime, edhe pse ndryshime të vogla mund të ketë. Nëse ka ndonjë ndryshim do tju lajmërojmë me kohë në Meteoballkan.com.Meteoballkan.
