Vala e parë serioze e nxehtësisë afrikane ka arritur në territoret tona duke rritur temperaturat mbi 30 gradë Ceslius, ndërsa në Shqipëri ato po shkojnë edhe mbi 35 gradë Celsius.
Kjo valë nxehtësie është e mirëseardhur pas një pranvere mjaft të freskët dhe me reshje të shumta.
Sot dhe nesër pritet kulminacioni i temperaturave të larta që mund të ndërprehet shkurtimisht vetëm në disa vise kryesisht kodrinore-malore nga ndonjë rrebesh kalimtar shiu me vetëtima dhe bubullimë.
Kjo valë nxehtësie do të zgjasë deri të shtunën kur presim freskim të motit dhe destabilizim të fuqishëm të atmosferës.
Gjatë fundjavës na pret mot më i freskët, me intervale kohore me diell dhe zhvillime të stuhive të izoluara me vetëtima, bubullimë dhe mundësi për breshër në disa rajone. Stuhi kalimtare priten edhe në zonat bregdetare, por ulja e temperaturave në bregdet nuk do të jetë aq e theksuar./METEOBALLKAN
