Në Mal të Zi dhe veri të Shqipërisë kanë filluar zhvillime të fuqishme konvektive dhe po ka rrebeshe lokale shiu me vetëtima dhe bubullimë. Bërthama e këtyre zhvillimeve është veriu i Shqipërisë dhe Mal i Zi, ndërsa shumë shpejtë rrebeshe lokale shiu do të depërtojnë edhe brenda territorit të Republikës së Kosovës.
Një celulë me rrebeshe të fuqishme por e izoluar gjendej jo shumë jugut të Shqipërisë dhe jo shumë larg Vlorës.
Zhvillimet kryesore janë në veri të Shqipërisë dhe Mal të Zi dhe shumë shpejtë presim edhe në Kosovë një sistem frontal atmosferik që hynë nga Shqipëria dhe Mali i Zi dhe rrugëton drejt lindjes së Kosovës ku do të dobësohet dukshëm. Megjithatë, në gati tërë territorin e Republikës së Kosovës priten rrebesh nga ky sistem, më intensive në perëndim, qendër dhe veri të vendit. Rrebeshe mund të mos ketë në skajin lindor të Kosovës.
Të mërkurën do të ketë përmirësim afatshkurtër të motit dhe pastaj vonë gjatë natës priten reshje të reja shiu./METEOBALLKAN
