Pak para dhe gjatë ndryshimit të motit do të kemi rikthimin e pluhurit Saharian në viset tona ngase këtë do ta favorizojë gjendja e përgjithshme sinoptike dhe lëvizja apo qarkullimi i masave ajrore në atmosferë nga Afrika veriore në Gadishullin Ballkanik e sidomos në Shqipëri, Kosovë dhe Maqedoninë e Veriut.
Deri më tani patëm temperatura të larta por ajri ishte mjaft i pastërt, ngase koncentrimi i pluhurit saharian ishte i ulët, ndersa dielli i kthjellët. Kjo pritet të ndryshojë veçanërisht të Martën me ardhjen masive të grimcave të pluhurit saharian direkt nga Afrika veriore,
Megjithatë, me ardhjen e fronteve të fuqishme nga veriperëndimi i Kontinentit nga dita e mërkurë së bashku me reshjet atmosferike do të kemi edhe largimin e menjëhershëm të pluhurit Saharian.
Pra, para nesh mot mjaft dinamik dhe mjaft interesant. Pas ndikimit shumë të gjatë anticiklonik do të kemi depërtimin e masave të fuqishme ajrore ciklonike me frontet e ftohta ajrore që do të shkaktojnë destabilizim të fuqishëm dhe aktivizim masiv të atmosferës./MeteoBallkan
