Përderisa ajri shumë i nxehtë po grumbullohet në Gadishullin Ballkanik masa paksa më të freskëta ajrore do të depërtojnë në Evropë, megjithatë edhe atje kemi rritje të mëdha të temperaturave dhe pikërisht për këtë arsye pritet destabilizim masiv i atmosferës në shumë pjesë të Evropes perëndimore e deri në Evropen qendrore dhe Skandinavi.
Stuhi mjaft intensive priten fillimisht në Francë dhe Spanjë, pastaj në Holandë, Belgjikë, Luksemburg dhe Gjermani. Kësaj radhe stuhitë dhe shtrëngatat e shiut me shkarkesa të fuqishme atmosferike do të përqëndrohen më gjatë në territorin e Gjermanisë. Pas Gjermanisë stuhi do të fuqishme priten në Danimarkë dhe disa pjesë tjera të Skandinavisë dhe në shtetet Baltike.
Normalisht stuhi dhe rrebeshe lokalisht intensive priten edhe në pjesë të Zvicrës, Austrisë, ndërsa atmosfera do të fillojë të destabilizohet edhe në Slloveni.
Vlen të theksohet një masë jashtëzakosnisht jo-stabile ajrore e përqndruar në Majorkë të Spanjes duke kushtëzuar stuhi të shpeshta shiu në këtë vend magjik turistik.
Stuhitë e shiut do të zhvendosen gradualsisht në drejtim të Italisë dhe Ballkanit, por deri atëherë përgatituni edhe për disa ditë shumë të nxehta verore.
Zhvillime të izoluara konvektive në viset tona do të fillojnë të mërkurën, por këto do të jenë të rralla dhe vetëm në disa zona. Zhvillime më intensive dhe freski lokale presim për fundjavë kur këto masa jo-stabile nga Evropa arrijnë të depërtojnë më thellë në jug dhe lindje të Kontinentit./MeteoBallkan
