Gjendja në rajonin e Alpeve Evropiane është katastrofike sa i përket sasisë dhe dendësisë së reshjeve të dëborës, kurse më e keqja është duke ardhur. Kjo vjen për arsye të depërtimit të vazhdueshëm të rrymave ajrore të lagshta nga Atlantiku gjegjësisht nga veriu dhe veriperëndimi në drejtim të Alpeve. Këto rryma ajrore janë jashtëzakonisht të pasura me lagështi.
Pasiqë në Alpe mbretërojnë tjera kushte atmosferike nuk është e nevojshme që të kemi ciklon të fuqishëm për reshje të mëdha bore. Mjafton lagështia e Atlantikut dhe kondenzimi i ajrit i cili i përshtatet rajoneve të larta malore Alpine që të ketë reshje kontinuele bore në atë rajon.
Në 10 ditët e ardhshme pothuajse nuk do të kalojë asnjë ditë që nuk do të ketë reshje bore në këto rajone Alpine. Kjo nuk i përfshinë të gjitha rajonet ku shtrihen Alpet Evropiane. Mund të imagjinojmë se çfarë lartësie dhe dendësie do të arrijë bora në këto rajone pas disa ditëve dhe vetëm mund të imgjinojmë se çfarë do të ndodhë kur ajri i nxehtë të depërtojë në këtë rajon dhe të fillojë shkrirja e borës./Meteoballkan
