Nuk e kemi fjalën për invazion ushtarako-politik, por për një lloj “invazioni meteorologjik”. Nga Siberia është nisur masa e fuqishme polare e cila për destinacion ka Ballkanin lindor dhe jugor, rajonin tonë, Greqinë dhe Turqinë ,Afrikën Veriore e deri në Lindjen e Afërt apo pjesë të Lindjes së Mesme siç janë Egjipti, Izraeli, Palestina, Arabia Saudite, Siria e deri në Irak. Fjalën e kemi për periudhën kohore nga fundjava e tutje
Në të gjitha këto rajone që i cekëm më lartë priten reshje të dendura shiu dhe bore bore, normalisht jo në tërë territorin.
Pra, goditja Siberike do të jetë e fuqishme sidomos në Rumani, Moldavi, Bullgari, Greqi dhe Turqi, ku shumë pjesë të këtyre shteteve do të bllokohen nga stuhitë e fuqishme dimërore me reshje të dendura bore. Ajri i ftohtë Siberik do të godasë edhe Kosovën, Maqedoninë dhe Shqipërinë, por tek ne reshjet do të jenë më të pakta dhe i ftohti do të jetë në shumë rajone i thatë, edhe pse do të kemi reshje shiu dhe bore por reshjet nuk pritet të jenë intensive. I ftohti do të jetë i theksuar sidomos netëve. Dimri pra, godet përsëri dhe kësaj radhe në mënyrë jo shumë të natyrshme. Eshte paksa e rrallë që të kemi fluks të ajrit Siberik direkt nga Siberia në drejtim të Afrikës Veriore dhe Lindjes së Afërt apo të Mesme./Meteoballkan
