Ne këto momente kemi vorbullen ciklonike në jug të Italisë e cila do të rrugëtojë në drejtim të Greqisë dhe Turqisë.
Gjatë rrugëtimit të ciklonit jugu dhe jugperëndimi i Shqipërisë do të përfshihen me reshje vende-vende të dendura shiu. Në disa rajone do të ketë edhe rrebeshe shiu me vetëtima dhe bubullimë, kurse në viset kodrinore-malore në juglindje edhe reshje bore.
Cikloni gjatë rrugëtimit të tij do të tërheqë edhe sasi të reja të ajrit të ftohtë nga veriu, kështu që gjatë pasdites vende-vende do të kemi edhe erëra veriore. Në Kosovë nuk priten reshje atmosferike me ndonjë përjashtim të vogël. Poashtu edhe në Maqedoni. Reshje atmosferike do të përfitojnë vetëm jugu dhe jugperëndimi i Shqipërisë.
Gjatë natës temperaturat do të ulen në Kosovë ku priten edhe ngrica kryesisht të dobëta, e pak më të forta në viset kodrinore-malore. Erëra të herëpashershme veriore do të kemi edhe ditët në vazhdim derisa cikloni të largohet definitivisht drejt territorit turk./Meteoballkan
