Masa ajrore e paqëndrueshme e cila po mbretëron tek ne do të dobësohet nga dita e nesërme dhe mbi ne do të shtrihet një masë e thatë ajrore anticiklonike. Edhe sot priten rrebeshe lokale shiu me vetëtima dhe bubullimë në shumë pjesë të Kosovës. Nga nesër më shumë diell në tërë territorin, ndërsa edhe nesër ekzostojnë gjasa për ndonjë rrebesh të izoluar shiu. Priten edhe ngritje graduale të temperaturave posaçërisht të shtunën, ditë e cila do të jetë me diell dhe pa reshje në tër rajonin. Temperaturat maksimale në Kosovë të shtunën do të arrijnë rreth 32-33 gradë celsius, në Shqipëri dhe Maqedoninë e Veriut rreth 34-35 gradë celsius.
Ndjesia subjektive e të nxehtit do të jetë e lartë dhe temperaturat do të duken më të larta për shkak të lagështisë së ajrit. Destabilizim i ri i motit pritet nga e diela pasdite apo në mbrëmje, fillimisht në disa pjesë të Kosovës, pastaj nga e hëna në shumicën e territoreve të rajonit tonë./Meteoballkan
