Sot në Kosovë do të mbajë mot kryesisht i vranët dhe i freskët. Mund të ketë edhe intervale kohore të shkurtra me diell. Vende-vende mund të ketë edhe riga të dobëta shiu.
Në Shqipëri pritet të mbajë mot kryesisht i vranët në tërë vendin dhe me reshje shiu. Reshje pak më intensive priten në qendër dhe jug të vendit. Pasdite vonë nga veriu do të fillojë kthjellimi i motit dhe gjatë natës pritet që moti të kthjellohet në tërë Shqipërinë.
Edhe në Maqedoninë e Veriut pritet të mbajë mot kryesisht i vranët, vende-vende me reshje shiu, ndërsa në paradite mund të ketë reshje shiu të cilat do të ndërpriten gjatë dites duka u pasuar nga kthjellimi i motit.
Të mërkurën në tërë rajonin pritet të kemi mot me intervale të gjata kohore me diell dhe vranësira kalimtare. Reshje atmosferike nuk pritet sepse mbi rajon do të depërtojnë masa të thata ajrore anticiklonike. Priten stabilizim i motit dhe ngritje graduale e temperaturave.
Nga e enjta poashtu priten kthjellime në tërë rajonin dhe ngritje të mëtutjeshme të temperaturave. Mund të ketë ndonjë vranësirë kalimtare.
