Erërat e fuqishme në këto çaste janë si rezultat i afrimit të qendrës ciklonike nga Deti Adriatik dhe po ashtu priten edhe reshje shiu. Në Shqipëri edhe stuhi me shi, vetëtima dhe bubullimë. Në Kosovë kryesisht vetëm reshje shiu dhe erëra jugore.
Gjatë orëve të ardhshme pritet intensifikim i reshjeve dhe erëra në Shqipëri, ndërsa me ardhjen e qendrës ciklonike gjatë orëve të natës moti do të fillojë të qetësohet. Reshje borë kësaj radhe vërshtirë se do të ketë për arsye se ajri i ftohtë polar pritet të arrijë vetëm deri në Bosnjë eventualisht në veri të Malit të Zi, megjithatë nuk përjashtohen reshje afatshkurtra bore në disa rajone në Kosovë në lartësi pak më të lartë mbidetare. Nëpër malet e larta priten reshje bore. Gjatë natës reshjet do të pushojnë në Kosovë, ndërsa nga nesër priten reshje të herëpashershme shiu, por të intensitetit të dobët. Nga e marta ndërprerje e reshjeve, ndërsa nga e mërkura rreze të shumta diellore dhe ngritje të ndjeshme të temperaturave në tërë rajonin. Do ta kemi “mini-pranverë” në fillim të Shkurtit./Meteoballkan
