Mund të ketë një tendencë për të nënvlerësuar fuqinë shkatërruese të një stuhie breshëri, por, edhe pse e nënvleftësuar në krahasim me ndikimet e stuhive të famshme, siç janë tornadot dhe rrufeja, njerëzit që jetojnë në vende të prirura ndaj stuhive më të forta e dinë se nëse kushtet janë favorshme, breshëri mund të jetë aq i madh sa të shkaktojë dëme katastrofike – madje edhe të marrë jetë.
Nga dëmtimi i shtëpisë dhe pronës deri te humbjet që shkaktohen në kulturat bujqësore çdo vit, breshri sigurisht lë shenjën e tij në kuletën e qytetarëve.
Breshëri mund të marrë jetë. Është duke ndodhur nëpër botë gjatë gjithë historisë. Ndonjëherë numri i të vdekurve shkon në qindra, por ato incidente janë të rralla, njofton MeteoBallkan.
Dëmtimet dhe vdekjet varen nga madhësia e gurëve të breshrit, shpejtësisë së erës dhe frekuencës me të cilën bien gurët, sipas Slate. Vdekjet shpesh ndodhin nga goditja në kokë ose pjesë të tjera të pambrojtura të trupit.
Këto tetë incidente janë ndër stuhitë më të vrullshme të historisë:
1. Gjatë Luftës së 100 vjeçare, sipas History.com, një stuhi breshëri shkatërroi ushtrinë angleze gjatë një pushtimi të Francës.
Numri i të vdekurve nga stuhia u vlerësua rreth 1.000 ushtarë. Ajo ditë, 13 prill 1360, është njohur si “E hëna e zezë”.
2. Rreth 200 njerëz humbën jetën nga një stuhi breshëri e papritur dhe e rëndë gjatë udhëtimit nëpër një luginë në Roopkund, Indi, rreth, shkruan Dylan Thuras dhe Atlas Obscura. Skeletet e viktimave u zbuluan në një liqen nga një roje britanike e pyjeve në vitin 1942.
Një ekip i National Geographic, i cili hulumtonte mbetjet në vitin 2004, raportoi se viktimat e “Liqenit të Skeletit” pësuan goditje në kokë nga “objekte të rrumbullakta rreth madhësisë së topave të kriketit”. Ata përfunduan se goditjet ishin nga një stuhi breshëri.
3. Më shumë se 200 vetë besohej se humbën jetën gjatë një stuhie breshëri në Kinë në vitin 1932, raporton Thuras.
4. Në atë që mund të jetë stuhia e breshërit më vdekjeprurëse, gurët e breshrit morën jetën e 246 njerëzve në Moradabad, Indi, në vitin 1988, sipas The Weather Channel.
5. Breshëri i madh shkaktoi vdekjen e 92 njerëzve në Gopalganj të Bangladeshit në vitin 1986.
6. Në vitin 2013, Daily Mail raportoi se të paktën nëntë vetë u vranë në disa fshatra në shtetin e Andhra Pradesh, Indi. Stuhia vdekjeprurëse shkatërroi shtëpi, të korra dhe bagëti.
7. Një stuhi breshëri la të vdekur tetë njerëz përgjatë lumit Wateree në Karolinën e Jugut në 1784, sipas një raporti në Atlas Obscura. Gazeta e Karolinës së Jugut njoftoi se gurët e breshërit “të matur rreth 9 inç në perimetër”, dhe gjithashtu lanë të vdekur patat, qengjat, delet dhe zogjtë.
