Edhe sot vranësira në Kosovë sidomos në mëngjes dhe paradite kur ende priten riga ose rrebeshe të lokalizuara shiu. Gjatë ditës përmirësim gradual i motit dhe priten intervale kohore me diell. Temperaturat do të fillojnë të rriten dje ajo maksimale parashihet të arrijë deri në 22°C.
Në Shqipëri më shumë intervale kohore me diell. Vranësirat paraqiten ende në zona më të thella kontinentale e malore me mundësi për ndonjë rigë ose rrebesh afatshkurtër shiu. Vranësira e riga shiu nesër edhe në Maqedoninë Veriore dhe Luginën e Preshevës, por më qielli do të ketë tendencë kthjellimi dhe atmosfera tendencë stabilizimi sidomos pasdite dhe në mbrëmje.
Nga e hëna na pret mot me diell dhe vranësira të pakta lokale. Temperaturat do të shënojnë rritje të ndjeshme progresive.
Nga e marta përreth disa viseve malore do të ketë gjasa për ndonjë rrebesh të izoluar pasdite ose në mbrëmje, por në përgjithësi moti do të jetë i ngrohtë dhe kryesisht me diell. Destabilizim të fuqishëm të motit presim të shtunën/Meteoballkan
