Vendi ynë është ende nën ndikimin e ciklonit i cili gjendet në Detin Adriatik dhe për këtë arsye moti është plotësisht i vranët. Temperaturat kanë filluar të pësojnë rritje dhe gjatë mëngjesit patëm reshje shiu në disa ultësira pas reshjeve të borës në Kosovë.
Gjatë orëve të ardhshme në shumë vise të Kosovës priten reshje shiu, bore e shqote varësisht nga lartësia mbidetare, ndërsa në Shqipëri dhe Maqedoninë Veriore priten reshje shiu, vende-vende edhe rrebeshe me vetëtima dhe bubullimë.
Nga nesër do të kemi alternime mes vranësirave, intervaleve kohore me diell dhe erërave. Erërat jugore herë pas here në disa rajone pritet të jenë të fuqishme, por për këtë detaje tjera do të japim në mbrëmje. Bora do të shkrihet tërësisht nga viset e ulëta dhe do të fillojë të shkrihet gradualisht edhe në viset kodrinore e shumë më ngadalë në viset e larta malore.
Sa i përket ndërrimit të mot moteve sipas të gjitha gjasave nuk pritet të ketë ndonjë skenar dimëror./Meteoballkan