Një ciklon mjaft i fuqishëm i është afruar sot ishujve Britanik, me erëra uraganike deri në 180km/h. Presioni i ajrit është ulur deri në 950 mb. kurse stuhia ka fuqinë e një Uragani. Fronti i ftohtë dhe vranësira të dendura kanë përfshirë ishujt Britanik me erëra uraganike dhe reshje të fuqishme shiu. Këto sisteme stuhish rrugëtojnë nga jugperëndimi në drejtim të verilindjes dhe duke falënderuar anticiklonin e fuqishëm mbi Evropë nuk do të depërtojnë në pjesët kontinentale të Kontinentit tonë, por do të vazhdojnë rrugëtimin e tyre në drejtim të Skandinavisë.
Erëra më të fuqishme janë në Irlandë dhe Skoci si dhe në pjesët veriore dhe jugperëndimore të Anglisë. Në këto rajone goditjet e erës arrijnë deri në 180 km/h.,kurse valët e detit arrijnë deri në 10 metra lartësi. Pritet të ketë edhe reshje të fuqishme shiu të cilat mund të shkaktojnë edhe përmbytje dhe shkatërrime të infrastruktures elektroenergjetike. Në këto momente shumë rajone veq janë vërshuar si dhe kanë mbetur pa energji elektrike dhe gjithashtu kemi edhe bllokimin total të komunikacionit.
Ky ciklon jashtëzakonisht i fuqishëm në pjesën e tij të përparme kushtëzon depërtimin e ajrit mjaft ë nxehtë nga jugu kështu që e tërë Evropa perëndimore dhe jugore si dhe rajoni ynë është përfshirë nga temperatura pothuajse verore të cilat tejkalojnë 25 gradë celsius kurse në Francë temperaturat po arrijnë deri në 30 gradë celsius.
Pasi që Evropa gjendet në mes të ciklonit të fuqishëm nga Atlantiku dhe anticiklonit të fuqishëm nga Evropa Lindore mbi Evropë mbretërojnë rrymimet ajrore nga jugu dhe në këtë mënyrë masa ajrore të nxehta kanë depërtuar deri në veri të Evropës ku temperaturat në jugperëndim të Norvegjisë arrijnë deri në 20 gradë celsius./Meteoballkan
