Jemi gati në fund të valës më të fuqishme të nxehtësisë së kësaj vere deri më tani dhe dita e sotme dhe e Shtuna do të shënojnë kulminacionin e temperaturave të larta.
E Shtuna do të shënojnë fuqizimin më të madh të ajrit të nxehtë për shkak të afrimin të sistemeve frontale më të ftohta nga veriperëndimi të cilat shtyjnë ajrin e nxehtë drejt juglindjes.
Temperaturat të Shtunën do të arrijnë shifrën 40 gradë Celsius edhe në Kosovë, madje mund të shkojnë edhe ndonjë gradë më lartë.
Sidoqoftë, depërtimi i masave të freskëta ajrore nga Atlantiku në Evropen qendrore, Alpe dhe veri të Italisë do të kushtëzojë krijimin e masave të fuqishme ajrore ciklonike në këto rajone dhe kësaj radhe kemi edhe ciklonin gjenovian i cili do të arrijë edhe në viset tona me vranësira, stuhi lokale shiu, shkarkesa të fuqishme elektrike dhe në fund depërtimi i masave të freskëta ajrore që do ti japin fund kësaj vape të madhe.
Destabiliizim të motit presim të dielën me zhvillime të fuqishme konvektive me rrebeshe lokalisht intensive shiu e vetëtima-bubullima të zhurmshme dhe breshër. Vende-vende mund të ketë shtrëngata të fuqishme.
Temperaturat do të shënojnë ulje më të vrullshme në fillim të javës së re sidomos të Martën me depërtimin e një mase tjetë ciklonike nga veriu i Italisë me reshje të reja e rrebeshe shiu me vetëtima dhe bubullimë.
Fillimisht stuhi të fuqishme priten që nga sot e Premte në pjesë të Sllovenisë, pastaj në pjesë të Kroacisë, Bosnjës dhe Hercegovinës nesër e Shtunë. Ndërsa stuhitë të Shtunën freskojnë Ballkanin veriperëndimor në territoret tona do të jetë vapa më e madhe.
Të Dielën më në fund do të mund të marrim frymë më lirshëm me mundësi që të kemi edhe rrebeshe shiu aq të mirëseardhura pas thatësisë ekstreme dhe nxehtësisë së madhe.
Shqipëria të dielën do të ketë stuhi kalimtare vetëm veriu i vendit, vende-vende deri në pjesët qendrore, ndërsa jugu i vendit do të duhet të presë deri të Martën për rrebeshe, freski dhe ndonjë stuhi shiu./MeteoBallkan
