Gjendja sinoptike në Kontinent është paksa më ndryshe këtë sezonë në krahasim me sezonat e kaluara, megjithatë në rajonin tonë vazhdon mot pothujase i ngjashëm sikurse viteve të kaluara për shkak të erërave perëndimore që vijnë nga Atlantiku duke favorizuar rrymimet të ngrohta ajrore drejt rajonit tonë.
Në anën tjetër rrymimet e ftohta nga lindja këtë vit po shihen shumë më herët drejt Evropes veriore dhe ishujve britanik ku parashihen goditje dimërore shumë shpejtë. Rrymimet e ftohta ajrore do të përfshijnë Evropen veriore, veriperndimore dhe pjesë të Evropes perëndimore, qendrore e jugperëndimore deri në Portugali dhe Spanjë. Në këto rajone vende-vende ditëve të ardhshme ka gjasa për reshje të dendura bore.
Bërthama e ajrit të ftohtë Arktik parashihet të depërtojë në Skandinavi, ndërsa te ne do të vazhdojnë rrymimet e ngrohta nga Mesdheu e Atlantiku. Vija ndarëse mes ajrit të ftohtë polar dhe atij të ngrohtë nga Mesdheu do të jetë diku në Evropen qendrore deri në Spanjë e Portugali në perëndim e deri në Turqi në lindje e juglindje dhe varësisht nga gjendja sinoptike dhe “lufta” mes masave ajrore do të përcaktohet vazhdimi i Dhjetorit. Afërsisht deri më 10 Dhjetor te ne pa ndonjë goditje dimërore, por nuk do të mungojnë shirat e herëpashershëm të cilat në Shqipëri mund të jenë intensive./MeteoBallkan