Në veriperëndim të Kosoves diku jo larg Istogut dhe Artanes (Zubin Potokut) është krijuar një sistem me rrebeshe shiu me vetëtima dhe bubullimë. Sistemi është i vogël, por mjaft i fuqishëm në atë rajon ku e kap.
Disa rrebeshe shihen edhe në veri dhe verilindje të vendit. Ato rajone tanimë janë freskuar vranësirat dhe rrebeshet lokale të shiut pritet që gradualisht të zgjerohen drejt shumë viseve tjera të Republikës së Kosoves.
Vende-vende priten rrebeshe shiu dhe mund të ketë edhe ndonjë shtrëngatë të fuqishme me breshër, por nuk priten reshje në tërë territorin. Temperaturat shënojnë ulje në kohen e ardhjes së rrebesheve të shiut dhe erërave që shkaktohen nga sistemi i vranësirave.
Edhe pse nuk priten reshje domethënëse, megjithatë ky front i dobët do të na lehtësoje sadopak barrën e rëndë të temperaturave mjaft të larta.
Vapa verore do të vazhdojë edhe ditëve në vijim, por pak më e dobët sonte dhe nesër, për tu fuqizuar përsëri të martën, ndërsa të mërkurën pasdite përsëri priten rrebeshe dhe shtrëngata lokale.
Këto fronte dhe ulje të temperaturave nuk do të afektojnë aq territorin e Shqipërisë./MeteoBallkan
Foto kryesore nga: WINDY