Java filloi me mot pranveror, por pati edhe reshje lokale shiu kryesisht të pakta, ndërsa reshjet do të intensifikohen të martën në mëngjes në gati tërë rajonin, megjithatë nuk priten reshje të mëdha dhe reshjet nuk do të zgjasin shumë.
Fronti i ftohtë mëngjesin e së martës kushtëzon edhe ulje të ndjeshme të temperaturave, kurse do të pasojë kthjellimi i motit dhe për këtë arsye mëngjesi i së mërkurës mund të sjellë acar të vonshëm sidomos në disa vise kontinentale. Depëtimi i masës së ftohtë ajrore do të jetë jetëshkurtër, megjithatë acari i mund të krijojë dida probleme me vegjetacionin shumë të hershëm. Temperaturat mund të ulën deri në -3 në mëngjesin e së mërkurës e në viset malore mund të jetë edhe më ftohtë.
Njëkohësisht të mërkurën do të kemi fuqizimin e një anticikloni mbi territoret tona dhe për këtë arsye pritet mot i thatë dhe pa reshje atmosferike. Edhe mëngjesi i së enjtes mund të sjellë ngrica të dobëta, por temperaturat në tërë rajonin do të kenë tendencë rritjeje. Nuk priten reshje atmosferike.
Një fronti i ri i ftohtë ajror i cili sipas të gjitha gjasave do të jetë krejtësisht i dobët pritet të arrijë afërsisht ditën e Premte duke kushtëzuar reshje të dobëta lokale shiu dhe ulje të lehta të temperaturave..
Për fundjavë do të kemi fillimin e rrymimeve të fuqishme ajrore nga jugu që do të thotë rritje e temperaturave dhe njëkohësisht paralajmërim për përkeqësim të motit ,e reshje të dendura atmosferike në fillim të javës së re.
Pra, fillimi i javës me reshje kalimtare dhe ulja e temperaturave vjen të martën së bashku me kthjellimin e motit të martën vonë
Nga e mërkura thatë dhe me diell, me ngrica në mëngjes dhe me rritje të temperaturave ditore. Një front të dobët mund ta kemi të premtën, ndërsa për fundjavë më ngrohtë, me erëra nga jugu dhe atlernime mes vranësirave e intervaleve kohore me diell.
Temperaturat nga -4 deri në 18 gradë Celsius në Kosovë e më ngrohtë do të jetë në Shqipëri dhe Maqedoninë Veriore.
Ishte ky me pak fjalë parashikimi javor për këtë javë dhe ndryshime të vogla mund të ketë. Për çdo ndryshim në ecuritë sinoptike do të njoftoheni në postimet tona të përditshme. Ju urojmë një javë të këndshme./MeteoBallkan
