Është i njëjti ciklon i cili po mbizotëron tek ne, por në Greqi stuhitë dhe reshjet e rrëmbyeshme të shiut kanë bërë dëme të mëdha duke përfshirë edhe humbjen e jetëve të njerëzve. Stuhitë intensive me vetëtima, bubullimë masive dhe reshje shumë të fuqishme shiu kanë përfshirë Ishullin Evia duke shkaktuar edhe viktima në njerëz.
Raportohet se në mesin e të vdekurve është edhe një foshnje.
Cikloni të cilin grekët po e quajnë si sistemi Thalia dy ditë me radhe ka qëndruar me qendrën e tij pikërisht në bregdetin e Shqipërisë, por duke mos shkaktuar reshje masive në Shqipëri. Ky sistem tani është zhvendosur në drejtim të Greqisë dhe atje janë krijuar kushtet për stuhi mjaft probelmatike. Cikloni solli shumë më shumë reshje Kosovës, Maqedonisë së Veriut, Serbisë, Bosnjës, Kroacisë, Sllovenisë, Malit të Zi, Bullgarisë, Rumanisë, Greqisë etj se sa Shqipërisë./Meteoballkan
