Zyrtarët për thatësirat kanë deklaruar se më shumë se dy të tretat e Anglisë tashmë ndodhen në gjendje thatësire, pasi vendi regjistroi korrikun më të thatë që nga fillimi i regjistrimeve në vitin 1836.
East Midlands, Lincolnshire dhe Northamptonshire, Kent dhe East Sussex, si dhe Solent dhe South Downs kaluan të hënën në statusin e thatësirës, duke iu bashkuar gjysmës së Anglisë dhe të gjithë Uellsit.
Grupi Kombëtar i Thatësirës – i përbërë nga rregullatorë, zyrtarë qeveritarë, kompani të ujësjellësit dhe organizata bujqësore – e mori këtë vendim pas një takimi të mbajtur të hënën.
Gjithsej 45 milionë njerëz tashmë jetojnë në zona të prekura nga thatësira në Angli, ndërsa më shumë se 27 milionë përballen me kufizime në përdorimin e ujit.
Kjo vjen pas një vere jashtëzakonisht të nxehtë dhe të thatë, ndërsa kushtet e valës së të nxehtit pritet të rikthehen për shumë banorë gjatë kësaj jave.
Kryetari i Grupit Kombëtar të Thatësirës, Tony Grayling, tha se kushtet e thatësirës do të vazhdojnë të përkeqësohen derisa të ketë “reshje të konsiderueshme dhe të qëndrueshme”.
