Ulja e temperaturave sot ka shënuar një ditë mjaft të freskët në zonat kontinentale të rajonit tonë. Më së ftohti është në Kosovë ku temperaturat kanë shënuar ulje të ndjeshme, ndërsa në Shqipëri në zonat mesdhetare temperatura edhe sot ka arritur deri në 27-28 gradë Celsius.
Dita e sotme tregon për dallimin e madh të kushteve klimatike në zonat mesdhetare nga ato kontinentale nën kushte të caktuara sinoptike. Deri ditën e djeshme temperaturat ishin pothuajse të ngjashme, ndoshta me disa nuanca më nxehtë ishte në mesdhe, por sot zonat kontinentale kanë shënuar ulje të ndjeshme të temperaturave, ndërsa zonat mesdhetare ulje më të lehta.
Nesër pritet stabilizim i motit dhe intervale kohore me diell edhe në zonat kontientale. Temperaturat rriten paksa, ndërsa në zonat mesdhetare mbesin rreth vlerave të ngjashme sikur sot.
Të dielën reshje të reja shiu me bubullima në zonat kontinentale sidomos në Kosovë, ndërsa në Shqipëri reshje më të izoluara./MeteoBallkan